Nagpanumpa na bilang bag-o nga bise-alkalde sa banwa sang Ibahay, Aklan si Number 1 SB Member Nestor Inocencio kasunod sang pagpangluthang nga nagresulta sang pagtaliwan ni Incumbent Vice Mayor Julio Estolloso.
Si Inocencio ang nagpatigayon sang iya oath of office bilang Vice Mayor kaina sang aga pinaagi sa pag-administer ni Ibajay Mayor Jose Miguel Miraflores
Bangud sini, magabakante man ang posisyon sa pagka-Sangguniang Bayan Member apang ini ang wala pa pat-od.
Ginpasiguro man sini nga magapangayo sang bulig sa Department of Interior and Local Government (DILG ) agud ang tanan nga nagakaigo nga proseso ang sigurado mga masunod.
Madumduman nga ginluthang-patay ni SB Senatin ang biktima nga si late Vice Mayor Estolloso tinalikdan nga Biyernes , Agosto 8, sa sulod mismo sang iya opisina kag ang SB Member ang napasakaan na sang kaso nga Murder, kahapon.
Sa karon, ang bangkay sang bise-alkalde ang nahaya na sa iya nga panimalay.