Nagdangat sa masobra P5.4 million ang kabug-usan nga balor sang suspected shabu ang nakumpiskar sang Bacolod City Police Office (BCPO) sa nahauna nga semana sang Agosto.
Ini ang sandig sa Operational Accomplishment Report sang BCPO humalin Agosto 4 tubtob Agosto 10, 2025.
Base sa report, ang balor shabu ang yara sa 799.2 nga narekober gikan sa 13 ka mga operasyon nga ginpatigayon sang kapulisan kun sa diin 17 ka mga indibidwal ang arestado.
Samtang, sa bahin naman sang wanted persons report, sa nahauna nga semana sang bulan naka-aresto ang BCPO sang duha ka mga wanted persons kag 14 naman ka iban pa nga mga wanted persons.
Nagdangat naman sa 25 ka mga indibdiwal ang na-aresto gikan sa anum ka mga operasyon batok sa illegal gambling samtang duha naman ang arestado bangud sang ‘loose firearms’ kun sa diin duha ka armas ang nakumpiskar kag lima ang boluntaryo nga ginsurrender sa kapulisan.
|Via BCPO PIO