Nagapabilin nga pinakamanggranon nga tawo sa Pilipinas si former Senate president kag real estate mogul Manny Villar sa diin may net worth ini nga $11 billion ukon kapin P619 billion sini nga 2024, suno sa Forbes.
Sa ika-38 nga annual ranking sang world’s richest people, nagsaka sa ika-190 ang pwesto ni Villar sa listahan sang mga bilyonaryo sa kalibutan gikan sa ika-232 sang 2023.
Ang ports magnate nga si Enrique Razon, ang ikaduha nga manggaranon nga indibidwal sa Pilipinas sa diin may net worth ini nga P560 billion kag ika-224 naman ini sa world ranking.
Samtang, 3rd richest Pinoy naman si Ramon Ang kag ika-920 naman ini sa kalibutan sa diin may net worth ini nga kapin sa P195 billion.