WORLD NEWS-Ginsuspender sang gobyerno sang Turkey ang tanan nga mga transaksyon sini sa Israel nga may kaangtanan sa opensiba sa Gaza nga nagaresulta sa nagalala nga humanitarian tragedy sa teritoryo sang Palestine.
Base sa Turkish Trade Ministry, igapatuman ang amo nga tikang mintras nga pahanugutan na sang Israel nga makapalab-ot sang bulig para sa mga pumuluyo nga naipit sa giyera sa Gaza.
Samtang, sa bahin sang Israel, gintawag ni Israeli foreign minister Israel Katz si Turkish President Recep Tayyip Erdogan nga diktador bangod sa nangin desisyon sini.
Suno sa iya, wala gin konsiderar sang Turkish President ang iya mga pumuluyo kag mga negosyante sa pagbaliwala sang international trade agreements.
Bangod sina, gindesignar ni Katz ang foreign ministry nga magpangita sang alternatibo sa pagpatigayon sang transaksyon sini sa Turkey nga nakatutok sa local production kag pag-import sang mga produkto nagikan sa iban nga pungsod.
