Ginlunsar sa ciudad sang Bacolod ang “Libreng Laboratoryo, Konsulta, at Gamot Para sa Lahat ukon LAB for ALL ” program ni first lady Liza Araneta-Marcos sini gid lanang nga aga, Hunyo 27 sa University of Negros Occidental- Recoletos ( UNO-R) gym.
Tinutuyo sang ini nga programa nga mahatagan sang libre nga laboratory services kag bulong ang mga pumuluyo.
Kapin 1,000 ka mga benepisaryo ang nagpadulong kaina sang aga sa UNO-R agud mag-avail sang programa.
Una na nga nagsugod ang first wave sang LAB for All nakaligad nga Hunyo 24 sa Bacolod City College, ginsundan ini sa Vista Alegre- Granada Relocation Elementary School sang June 25 kag June 26 naman sa Domingo Lacson National High School. Sa kada venue, 500 ka mga beneficiaries ang naserbisyohan.