BACOLOD CITY- Makabig nga mga supplier sang ginapatihan shabu ang duha ka mga persona nga nakuhaan sang kapin ₱5,134,000 nga balor sang illegal nga droga nga yara sa kapin 775 grams ang kabug-aton sa ginpatigayon nga drug buybust operation sang Bacolod City Police Station 8 sa Purok Mars, Barangay Singcang-Airport, ciudad sang Bacolod.
Ang mga suspetsado ginkilala nanday George Jayme, 49-anyos, lalaki, pumuluyo sang banwa sang Murcia, kag si Dharryl Escanuela, 41-anyos, pumuluyo naman sang Olongapo City, Zambales, kag temporaryo nga residente sang Brgy. 7, sang amo nga ciudad.
Base sa interview sang DYHB kay Police Major Eugene Tolentino, Station Commander sang amo nga estasyon nga natigayon na nga ma file ang kaso batok sa mga suspetsado natuhoy sa paglapas sa Republic Act of 9165 ukon Comprehensive Dangerous Drugs Act of 2002.
Nahibaluan nga isa ka anay preso si Jayme sa kaso nga paglapas man sa illegal nga droga. Dugang pa ni PMaj.
Tolentino yara sa kapin isa na ka tuig gina-monitor si Jayme kag Escanuela natuhoy sa ila nga mga transaksyon.