Bisan isa lang gani ka-unto ang gabuton sa aton, daw ka ano na nga sakit ang aton mabatyagan, ano pa ayhan kun halos tanan nga ngipon mo ginpangkakas agud islan sang bag-o?
Gina imbestigaran sa karon sang Chinese Authorities ang kaso sang isa ka lalaki nga napatay 13 ka adlaw matapos ini gin gabutan kapin 23 ka unto agud pabutangan 12 ka implants.
Si Ms. Shu, anak sang nagtaliwan ang nag file sang complaint sa lMunicipal Health Bureau kontra sa isa ka local dental clinic kasunod sang pagkapatay sang iya amay.
Suno diri, wala man lang nag advise ang clinic kun safe bala nga gabutan 23 ka unto kag mag drill sang 12 ka mga implants ang isa ka tawo sa sulod sang isa lang ka session.
Suno sa iban nga mga dentista, dapat may yara sang ginasunod nga guideline sa kun pila lang dapat ka unto ang i-extract sa isa ka pasyente sa sulod sang isa ka session kag dapat, ginkonsiderar man ang pain tolerance kag posible mangin impeksyon sini sa lawas sang tawo.