Liwat nga nagdaog bilang presidente sang Estados Unidos si Donald Trump matapos ang ika-47th nga Presidential Election sa pungsod. Una nga nakakuha sang masobra 270 electoral votes si Trump batok kay Kamala Harris sa amo nga eleksiyon. “This will be the golden age of America” ina ang nangin kabahin sang victory speech ni Trump matapos ang kadalag-an. Luyag ni Trump nga pagakay-uhon ang patarakan kag pamalakad sa pungsod, nagpasalig man ini sa mga Amerikano nga iya ipakigbato ang tagsa ka mga pamilya kag bwas damlag sang Estados Unidos. Aminado ang presidente nga wala ini naglaom nga mangin posible ang iya pagdaog, amo nga iya ginapasalamatan ang suporta nga ginhatag sa iya sang mga Amerikano. Nakuha ni Trump ang kalabanan nga mga boto sa estado sang Pennsylvania, Georgia, kag Winconsin. Natalana nga iga-inagurahan sa pagka-presidente si Trump sa Enero 20 tuig 2025. Samtang magaserbe naman bilang bise presidente ni Trump, amo si JD Vance.
