Kun makabati kita sang mga lugar da middle east, masami nagasulod sa aton pinsar ang mainit nga lugar nga napalibutan sang disyerto.

Isa ka snowfall ang natabo sa Al-Jawf Saudi Arabia sang November 3, 2024. Ini ang labing una nga hitabo sa diin nag snow sa lugar.

Sandig sa mga news article, bisan gani ang mga sapat nga camel nga nagtinir sa disyerto ang nakita nga nagahinay-hinay man sa paglakat sa balas nga natabunan na sang snow.

Sa report sang United Arab Emirates National Center of Meteorology ginpahayag nga ang ini nga pinasahi nga hitabo sa panahon ang bangud sang low-pressure area sa Arabian Sea nga amo naman ang nagdala sang moist-air sa nasambit nga disyerto.

Ang snow ang nagakatabo kun magsugataay ang tugnaw nga temperatura kag moist air.

Sin-o bal ang magalaum nga ang lugar sa diin masami nagalab-ot sa 55 degree celsius ang kainiton ang hinali lang gin-snow?

Nahibaluan nga bisan ang Sahara dessert ang naka eksperyensya naman sang snow dekada na ang makaligad.

Sa madumduman, sini gid lang nga tuig, gin igo sang bagyo kag pagbaha ang Riyadh nga capital sang Saudi Arabia.

Share this news

Leave a Reply

Your email address will not be published. Required fields are marked *