Napudpod nga bato ukon ‘pulverized old rocks’ ang ginabuga nga abo sang Bulkan Kanlaon santo sa ginpatigayon microscopic examination sang Philippine Institute of Volcanology and Seismology (PHILVOCS) sa nagkaligad nga ashing event sang bulkan.
Ginpahayag ni PHIVOLCS Kanlaon Volcano Observatory Resident Volcanologist Mari-Andylene Quintia, sila ang nagpatigayon sang ash sampling agod matumod kun ang ginabuga sang bulkan nga abo ang nagikan sa old deposit nga nag-upod lang sa pag-aso, ukon ini ang nagikan pa sa idalom sang Kanlaon nga makabig nga magmatic.
Base sa ginpatigayon nga examination sadtong Oktubre 19, Nobyembre 2 kag 5 sa sini nga tuig, ‘pulverized old rocks’ ang abo nga ginabuga sang Bulkan Kanlaon.
Santo sa obserbasyon sang PHILVOCS, panalagsahon lamang ang pagbuga sang abo kag nakadepende sa direksyon sang hangin ang pagbuga sini sa lugar.
Wala man sang dala nga pagtayog sang duta ukon volcanic earthquake ang amo nga ash emission. Dugang pa ni Quintia, liwat nga na-eksperensiyahan ang ash fall, kahapon sang aga, adlaw sang Domingo, Nobyembre 10.
