
Nagprotesta ang masobra 100,000 ka mga indibidwal batok sa mga ospisyales sang Valencia, Spain bangod sa kun paano nila gin-atubang ukon gin-aksyunan ang makamamatay nga pagbaha.
Kadungan sina, nagapawagan ang mga nagaprotesta sang pagbiya sa pwesto ni Regional head Carlos Mazón.
Suno sa pila ka mga opisyal saugad, nagdangat sang 130,000 ka mga indibidwal ang nagtipon-tipon sa dalan kag nagasiyagitan sang “we are stained with mud, you are stained with blood”.
Nahibaluan nga masobra 200 ang napatay sa amo nga pagbaha, tuga sang mabaskog nga pag-ulan sa lugar kag kaingod nga probinsya sadto Oktubre, samtang nagapabilin nga missing ang wala ka mga persona.
Gina-akusar sang mga naga-protesta nga tuman na kaulihi ang nangin abiso sang mga otoridad natuhoy sa pagbaha.