Nagapadayon sa karon ang pagpirmahanay sang Memorandum of Agreement (MOA) sa tunga sang mga apektado nga LGUs sa paglupok sang bulkan Kanlaon kag mga lokal nga panguluhan nga magabulig sa ila pananglitan liwat ini nga mag alboroto.

Sa interview sang DYHB kay Office of the Civil Defence-Negros Island Region (OCD-NIR) Regional Director Renato Sermeno III, ginpahayag sini nga sa subong, gina-follow up na sang Department of Social Welfare and Development (DSWD) ang camp management sang mga identified LGU nga naka-task magresponde sa panginanlanon sang mga apektado nga lugar kaanganay sang banwa sang La Castellana kag mga ciudad sang La Carlota kag Bago.

Kahapon lang nga adlaw, Pebrero 4, una na nga nagpirma sang MOA ang La Carlota City kag Silay City.

Buot silingon sini, nga ang Silay City LGU ang magahatag sang bulig sa mga residente sang La Carlota City nga maapektuhan kun maglupok ang Mt. Kanlaon.

Samtang, ginahikot naman sa karon ang MOA sa tung sang Himamaylan City kag banwa sang La Castellana.

Suno kay Sermeno, kun mag-escalate pa gid sa Alert Level 4 ang bulkan, kinahanglan sang La Castellana sang dugang pa gid nga mabulig sa ila amo kun ngaa naga-tap man ini sa karon sa banwa sang Hinigaran.

Suno kay Sermeno ang kangy sini nga effort sang mga LGU sang probinsa sang Negros Occidental ang nagapakita lang sang dedikasyon sang mga ini nga magbulig.

Sa pihak nga bahin, kapin 130 na ka mga tents ang natukod sa tent city sa Himamaylan sa ini nga mga tinion. Target sang OCD ma-maximize ini sa 500 tents kun may dugang lang nga lugar nga pahamtangan sini.

Share this news

Leave a Reply

Your email address will not be published. Required fields are marked *