Ginahikot na sang Office of the Civil Defence- Negros Island Region (OCD-NIR) ang ila mga papeles agud pormal na nga makapahamtang sang ila nga opisina diri sa Bacolod City.
Sa interview sang DYHB kay Office of the Civil Defence-Negros Island Region (OCD-NIR) Regional Director Renato Sermeno III, ginpahayag sini nga gina-finalize na nila ang kontrata kag requirements sa isa ka building malapit sa Bacolod City Government Center agud ila na ma-develop ang opisina sang OCD.
Dugang pa sini nga kun mangin full operational na ang NIR sini nga Pebrero 18, may tatlo lang sila ka mga ipahamtang nga staff sa opisina.
Suno kay Sermeno magadugang sila sang contract of service employees kag sa ulihi himuon nga plantilla workers sa diin, ila lang ini igaanunsyo sa ila social media page.
Pahayag pa sini nga magapangita pa sila sang lote nga patukuran sang permanente nga opisina sang OCD.
Samtang, posible man magpahamatang sang satellite office ang OCD sa Negros Oriental kag Siquijor.
Ila man nga ginakonsidera ang offer nga lote sang ciudad sang Himamaylan kag La Carlota para pabutangan sang opisina.
Madumduman nga Pebrero 3 sang na-publish ang implementing rules and regulation (IRR) sang Republic Act No. 12000 ukon ng Negros Island Region Act sa diin mangin isa ka rehiyon ang Probinsya sang Negros Occidental, Negros Oriental kag Siquijor.
Mangin full operational ang ini nga layi 15 ka adlaw pagkatapos sang publication sini.
