Ginbatikos online ang AI-generated photo ni US President Donald Trump nga nagasul-ob kaangay sang panapton sang Santo Papa, pila ka adlaw antes ang conclave sa Vatican agod magpili sang bag-o nga Santo Papa matapos nga nagtaliwan sa edad nga 88 si Pope Francis. Makita sa litrato ni Trump nga ginpost sini sa Truth Social, nga seryoso ang hitsura sang presidente nga nagapungko sa isa ka bangko, suksok ang puti nga vestments kag mitra, samtang naga-alsa ang tudlo sini. Gintawag sang isa ka obispo nagikan sa New York, nga pagpanghikay kag pang-insulto sa pagtuo sa Simbahang Katolika ang amo nga tikang ni Trump. Nagpamalibad naman nga magkomento ang Vatican angot sa amo nga litrato.
