Madamo sa mga Pinoy ang fan gid sang football. Bisan ano ka lawig sang hampang, bantayan gid asta matapos agud indi mabitin.
Apang, sarangan mo pa bala magtinir kun asta 26 ka oras ang football game? Isa sa pinakalawig nga football game ang na-record sini lamang sa Luzhniki Olympic Sports Complex sa Moscow diin 26 hours antis ini natapos.
Agud i-selebrar ang All-Russian Football Day nakaligad nga semana, duha ka teams nga may tig-pito ka players ang nagtipon sa football field agud i-break ang rekord sa may pinakamalawig nga football match sa history.
Nagsugod sang sabado sang udto ang game kag natapos las 2 sang hapon sa adlaw sang Dominggo.
Tinutuyo sang mga ini nga kwaon ang rekord nga na-set sang 2014 diin 24 oras naglawig ang match.
Bangud kay 7vs7 ang format, indi ini makabig nga official football game kag posible indi man pag ikonsiderar sang Guinness Records.
Apang ang importante, ginkonsiderar ini sang Russian Book of Records.
