Handa sang city fire marshall sang Bacolod nga atubangon ang kaso nga ginpasaka ni former Councilor Cano Tan.
Sa interview kay Fire Chief Inspector Stephen Jardeleza, ginpahayag sini nga antes pa man magsaka sa ila sa Bureau of Fire Protection (BFP) naglabay na ini sa zoning kag Office of the Building Official (OBO).
Natingala si Jardeleza nga nalakip siya sa ginpasakaan kaso ni Tan. Apisar sini, handa siya nga atubangon ang reklamo apang nagakahangawa ini para sa iya retirement nga natalana sa bulan sang Disyembre.
Magluwas kay Jardeleza, ginpasakaan aman sang kaso ni Tan sa Office of the Ombudsman angot sa violations sa RA 3019 ukon Anti-Graft and Corrupt Practices Act si OBO head, Engr. Isidro Sun, duha pa ka department head, isa ka empleyado sang syudad sang Bacolod, isa pa ka opisyal sang BFP kag kapitan sang Barangay Villamonte.
Reklamo ni Tan, nga gin-aprubahan ang business permit application sang Acebuche Lechon Baboy Stall sa dalan Burgos Extension apisar nga yara ini sa road lot.
Apang ginklaro ni Sun nga wala naka-apply sang business permit ang stall sa OBO.
