WORLD NEWS- Nag-abiso ang Taiwan government sa mga pumuluyo sini nga likawan ang pag-biyahe padulong sa China kun indi man lang importante, matapos ang “execution threat” batok sa mga diehard supporters sang Taiwan independence. Lakip man sa amo nga abiso ang pagpadulong sa Hong Kong kag Macua suno kay Liang Wen-chieh, spokesperson sang Taiwan’s Mainland Affairs Council.
Bukas nga ginapakita sang China nga indi sini luyag si President Lai Ching-te sang Taiwan bangod ila ini ginakabig nga “separatist” kag naglunsar sang duha ka adlaw nga war games sumugod nga nagpungko sa pwesto sang nakaligad nga bulan.
Madumduman sang tinalikdan nga semana, nag-anunsiyo ang China sang panibag-o nga legal guidelines natuhoy sa pagpamahog nga pagapatyon ang nagasuporta sa pagbulag sang Taiwan sa China, kag ini ang nagtuga sang tensyon sa duha.
Gin-kondenar ni Lai kag ang gobyerno sang Taiwan, amo man sang Estados Unidos ang nangin desisyon sang China.
