BACOLOD CITY – Napalab-ot sa igtalupangod ni Department of Migrant Workers (DMW) Secretary Hans Cacdac ang paghingyo sang bulig sang isa ka pamilya sa Barangay Villamonte angot sa ila himata nga na-ospital sa Riyadh, Saudi Arabia.
Sa State of the District Address (SODA) ni Congressman Greg Gasataya sini nga Domingo, ginpahayag sini nga gindangop sa iya ang kabalaka sang pamilya sang isa ka OFW nga 15-anyos na nga nagatrabaho sa Riyadh. Ulihi na-contact sang duha sini ka anak ang OFW sang nagligad nga duha ka semana kag sang tinalikdan nga mga inadlaw lamang sila napahibalo nga yara ini sa intensive care unit (ICU).
Ginpahayag nga nagapakatig-a sa pagbulig ang employer sang OFW. Suno kay Cong. Greg, kagab-i iya ginpalab-ot kay Secretary Cacdac ang problema kag sini nga hapon, samtang nagapasulod ini sa University of St. La Salle kun sa diin ini maga-deliver sang SODA, nagsabat ang tiglikom kag ginapangayuan ini sang contact number sang pamilya sang OFW agud sila ang mabuligan.
Suno kay Cong. Greg, ini ang ehemplo lamang sang iya nga “Serbisyong may Puso”.
