WORLD NEWS- Nadulaan sang suplay sang kuryente ang masobra dos milyones ka mga balay kag negosyo sa Florida bangod sa paglandfall ni bagyong Milton sa lugar.
Minilyon ka mga residente ang nagbiya na sa lugar sumugod sadtong Miyerkules bangod sa storm surge warning pagbaha, kag buhawi nga na-eksperensiyahan.
Ginkompirmar sang mga opisyales sang St. Lucie County nga may mga nagtaliwan sa estado bangod sa nagluntad nga buhawi, apang wala ini sang ihibalo natuhoy sa datos.
Ginkabig ni US President Joe Biden nga ang amo nga bagyo ang may dala nga pinakadako nga kahalitan sa lugar sa sulod sang 100 ka tuig.
Naglandfall ang bagyong Milton sa lugar matapos ang duha ka semana nga paglandfall sang Bagyong Helene sa Gulf Coast nga nagresulta sa kamatayon sang 255 ka mga persona sa bahin sang Florida, Georgia, South Carolina, Tennessee, Virginia, kag North Carolina.
