
“Degree Holder kag Plastado ang Pangabuhi” ini ang nangin pahayag ni La Castellana Mayor Rhummyla “Mhai-Mhai” Nicor Manguilimutan sa iya pag-endorso sa iya manghod nga si Incumbent Sangguniang Bayan Member Añejo Nicor nga magapapili bilang alkalde sang banwa.
Suno kay Mayor “Mhai-Mhai” nga si Añejo ang isa ka seaman, pundasyon na nga eksperyensya, kag may ihibalo sa pagdumala sang mga programa kag proyekto sa banwa.
Dugang pa sini nga nakita niya ang dedikasyon kag ang pagbulig sa iya ni Añejo sa anum ka tuig nga nagserbe ini bilang SB Member.
Samtang nagpasalig man ini nga kaupod sang iya manghod kag sang grupo sang Arangka La Castellana, magapadayun sila sa ila tampad nga serbisyo publiko para sa mga pumuluyo.
Madumduman nga nag file na ang grupo sang ila COC sang Oktubre 8 nga suportado naman ni 5th District Congressman Atty. Dino Yulo kag gin-updan naman sang ginatos sini ka mga supporters.