Nagdeploy sang 200 ka mga kapulisan ang Police Regional Office 7 sa probinsya sang Negros Oriental pananglitan maglupok ang Bulkan Kanlaon kag preparasyon man sa nagahilapit nga Midterm Election 2025.
Suno kay Negros Island Regional Election Director Atty. Lionel Marco Castillon, gindeploy ang amo nga augmentation sang kapulisan sa nagkalain-lain nga lugar sa probinsya bangod isa sa mga concern sang kapulisan ang piniliay nga patigayunon sa bulan sang Mayo.
Samtang isa man sa mangin responsibilidad sang amo nga mga kapulisan ang dugang nga disaster response efforts para sa apektado sang bulkan.
Dugang pa ni Castillon, wala naman sang dugang nga augmentation sa Negros Occidental bangod bastante pa ang numero sang kapulisan sa probinsya.
Natalana nga makipagsapol bwas nga adlaw ang Regional Election Director sa mga electoral officer para maplastar ang election contingency plan kadungan sa pagpreparar sa worst case scenario.
