Ginahaylo ni Mayor Albee Benitez ang mga Bacolodnon nga suportahan ang mga credible media kag batuan kag indi pag sapakon ang mga fake news.
Suno sa alkalde, untatan dapat sang mga Bacolodnon ang pagsunod sa mga unverified sources kag troll accounts. Dugang pa sini, dapat suportahan sang mga Bacolodnon ang mainstream media outlets bangud nga maid-id ang pagpaguwa sang mga detalye kag impormasyon.
Nagapanawagan man si KBP (Kapisanan ng mga Brodkaster ng Pilipinas) kag NPC (Negros Press Club) nga magtukod sang self-regulating system agud mapunggan ang paglapta sang fake news kag fake accounts.
Halin sang nagpungko sa pwesto si Benitez sang 2022, ginahaylo na sini ang mga Bacolodnon nga i-address sa husto nga alagyan ang ila mga reklamo kag concerns paagi sa programa nga “Isugid kay Mayor”.
Ginasuportahan man sang alkalde ang mga legislative efforts nga naga-require sang tanan nga mobile kag social media accounts nga dapat nagagamit sang matuod nga ngalan.
