Isa ka lalaki nga ginapatihan katapo sang New People’s Army ang patay sa engkwentro nga nagluntad sa tunga sang Provincial Mobile Force upod ang 62nd Infantry Battalion kag mga rebelde kaina pasado las 5 sang aga sa Sitio Angalan, Quintin Remo banwa sang Moises Padilla.
Sa interview sang DYHB kay Police Major Joevito Bose, hepe sang Moises Padilla PNP, iya ginpahayag nga kapin 68 ka mga pamilya ukon 120 ka mga indibidwal ang apektado sa duha ka asud-asod nga engkwentro kontra kapin lima ka mga remnants sang Northern Negros Front 2.
Dugang pa sang hepe nga ginabulubanta 20-30 anyos ang edad sang napatay sa engkwentro. Indi man pamilyar ang itsura sini sa mga residente sang lugar.
Nakita man sa encounter site ang pila ka mga armas kag mga bala, subersibo nga mga dokumento kag mga bulong.
