Yara na sa Provincial Social Welfare and Development (PSWDO) ang listahan sang mga mangunguma nga magabaton sang ayuda gikan sa Provincial Government matapos maapektuhan sang El Niño phenomenon.
Ginpahayag ni Governor Bong Lacson nga ang tagsa ka affected farmer ang magabaton sang P2,000 nga ayuda.
Ginpabutyag sang gobernador nga kun siya lang ang pagustuhan, luyag niya nga mahatag gilayon ang ayuda apang may ginasunod nga proseso rason nga ini ang nagakadugayan.
Ginpasiguro naman sini nga kun masugdan na ang pagpanagtag sang financial assistance, mangin tayuyon naman ang pag-release kasubong sang ayuda sa mga hog raisers nga naapektuhan sang pagluntad sang African Swine Fever (ASF).
Base sa Marso 27, 2024 nga report sang Office of the Provincial Agriculturist, naglab-ot sa 2,585 ang mga mangunguma sa probinsiya nga apektado sang El Nino.
[Photo by Capitol PIO]
