BACOLOD CITY- Padayon nga magapangalagad ang “Serbisyong may Puso” ni Bacolod City, Lone District Congressman Greg Gasataya para sa mga pumuluyo sa ciudad sang Bacolod. Base sa pahayag ni Cong. Greg sa iya ginpatigayon nga State of the District Address (SODA), sa sulod sang walo ka tuig nga pag-serbisyo sa ciudad, iya gintutukan ang edukasyon, ikaayong lawas kag sports.
Yara na sa 10,244 tanan ang nangin Commission on Higher Education (CHED) kag tesda scholars; 22,711 ka mga benebisyaryo sa medical assistance; 6,731 sa burial assistance; 12,720 ang napanghatagan sang libre nga juice; 550 burial services; 40,263 financial assistance, kag 214 ka mga indibidwal ang naserbisyuhan sang wheels of love.
Nabuligan man ang 20,990 ka mga benebisyaryo pinaagi sang DOLE- Tupad; 991 ka mga indibidwal para sa DSWD sustainable livelihood; kag 6,300 sa AKAP program. Natigayon man nga makapatukod sang 14 ka mga health center; 338 muti purpose building; 21 ka mga Barangay halls; 8 merkado; 767 classrooms; 73, 084.78 leneal meters flood control and drainage system; 14 bridges; 557.037 lane kilometers of roads; dugangan pa sang dugang nga pito ka mga ground ambulance kag 24 ka mga barangay vehicles.
Isa man sa ginpabugal ni Cong. Greg, amo ang pagpatigayon sang Bacolod City General Hospital kun sa diin isa ini sa mga kinahanglanon sang mga pumuluyo sa ciudad, kun sa diin iya ginahingyo sa karun sa Department of Health nga madugangan ang budget sa pagpatukod kag mga equipments para diri agod mangin operational na.
Gin-anunsiyo man sang kongresista nga sa August 30, 2024 sarang na nga maagyan ang economic highway nga nagalaba sang 48.8 kilometers. Nagpasalig si Cong. Greg nga ang iya dedikasyon sa pagpangalagad ang magapadayon kag iya man ginbilin ang tinaga nga “continue to watch me work.”
