Nagluntad ang molasses spill sa Old Sagay Port sa ciudad sang Sagay, Negros Occidental, Miyerkules, Agosto 7.
Nagikan ang leakage sa M/T Mary Queen of Charity sa diin na-record ang leak las-9 sang aga kag na-obserbahan ang discoloration sa tubig sa palibut sang amo nga vessel.
Sa isa ka statement ginpahayag ni Mayor Narciso Javelosa Jr. nga naga-imbestigar na ang local government sang Sagay, Environment and Natural Resources Office kag ang Philippine Coast Guard sa amo nga insidente.
Yara sa ginbulubanta 300 metric tons sang molasses ang nakarga sa amo nga vessel.
Ang molasses isa ka by-product sa proseso sa paghimo sang kalamay. Indi naman ini makonsiderar nga pollutant ukon toxin apang posible ini nga pagpamahog sa marine life.
