WORLD NEWS- Ginkilala bilang bag-o nga leader sang Hamas si Yahya Sinwar matapos ang pila ka adlaw nga negosasyon sa Doha sang nagtaliwan si Ismail Haniyeh sa Tehran sang tinalikdan nga semana.
Si Sinwar, ang nagpangalagad bilang group leader sa Gaza Strip sumugod sadtong tuig 2017.
Gin-anunsiyar ang amo nga impormasyon sa tunga sang tensiyon nga nagaluntad sa Middle East, samtang ang Iran kag kapartido sini nga nagapamahog nga magtimalos sa pagpatay kay Haniyeh, kun sa diin ginabasol ang Israel sa amo nga kahimuan.
Sa malawig nga diskusyon sa pagpili sa masunod nga tigpamuno, duha lamang sila ni Sinwar kag Mohammed Hassan Darwish ang ginpilian, kun sa diin sila ang nagapamuno sa General Shura Council.
Suno sa opisyal, bangod sa pagpatay kay Haniyeh, nga isa ka flexible kag bukas sa solusyon sa mga problema, sa karun ang Israel ang magapangatubang sa kay Sinwar kag pagpamuno sa militar.
