Gin-imbetar ni Commission on Elections (COMELEC) Chairman George Erwin Garcia ang isa sa mga contestants sang isa ka noontime show nga nag-ako nga wala ini sang ihibalo kun ano ang COMELEC.
Suno kay Garcia, wala man nagkulang ang COMELEC sa ila kampanya nga ma-edukar ang publiko ilabi na sini nga 2025 elections.
Madumduman nga una na ginpahayag sang 20-anyos nga kandidata nga indi siya pamilyar sa COMELEC bangud wala niya man ini nagakakita sa iya social media account.
Paathag ni Garcia nga luyag nila ipahibalo sa kandidata kun ano ang role sang COMELEC kag iban pa nga mga impormasyon nga dapat sini mahibal-an.
