Nakarecord ang Philippine Institute of Volcanology and Seismology (PHIVOLCS) sang 16 ka volcanic earthquakes sa sulod sang 24 oras.
Base sa pareho nga monitoring sang PHIVOLCS, nagbuga ang bulkan sang 1,689 ka tonelada sang asupre.
Nagdangat naman sa 200 ka metros ang kataason sang aso nga ginbuga sang bulkan nga padulong sa northwest nga direksyon.
Nagpabilin sa gihapon sa alert level 3 ang Mt. Kanlaon.
Nagapadayon ang paghubag sang lawas sang bulkan sa ini nga mga tinion.
Sa karon, padayon nga ginadumilian ang pagpalupad sang ano man nga sahi sang aircraft malapit sa baba sang bulkan.
Ginaabisuhan ang tanan nga may posibilidad sa gihapon sang gulpi nga paglupok sang bulkan, pag-ilig sang lava, pag-ulam sang abo, Pyroclastic Density Current (PDC), rockfall kag pagbaha sang lahar kun may mabaskog nga pag-ulan.