Ginapaabot na ang pagsugod sang construction sang New Silay Government Center. Sa nahibaluan nga ginhatagan na sang Authority to Sign Contract sang Sangguniang Panlungsod si Mayor Joedith Gallego para sa P500 million nga balor sang New Silay Government Center nga ipahamtang sa 6.9 hectares nga duta sa Hacienda Makina, Brgy. Rizal.
Kadungan sini ang pagpasalamat ni Gallego sa maayo nga relasyon sang SP kag sang executive department. Suno kay Gallego, ginalauman nga magalawig sang isa ka tuig kag tunga ang construction sang nasambit nga proyekto. Ang ground breaking ceremony ginapaabot sa masunod nga semana.
Magluwas sa bag-o nga government center, may pila pa ka mga on going projects sa ciudad sang Silay karon lakip na diri ang Silay College nga yara na sa 30 percent ang construction. Yara man ang P30 million nga balor sang evacuation center sa Brgy. E Lopez nga gin-lobby ang pondo sa opisina ni Sen. Bong Go. Samtang ang bag-o nga police station ang ibutang naman sa Brgy. Mambulac.
